مواطنة لـ”أخنوش”: بنتي زعرة وزوينة كنخاف تمشي للمغرب ياكلوها ليا (فيديو)

آشكاين/محمد دنيـــــــــا

أطلقت مواطنة من الجالية المغربية المقيمة بإسبانيا، صرخة إستنكار بخصوص ما أسمته “إنعدام الأمن” بالمغرب، في وجه رئيس حزب التجمع الوطني للأحرار؛ عزيز أخنوش، ملخصة معاناتها بـ”الأخ أخنوش عندي بنيتة زوينة تخاف تمشي للمغرب، زعرة زوينة كنخاف تمشي للمغرب ياكلوها ليا، علاش؟”

كان ذلك، قبل قليل من يومه السبت 9 مارس الجاري، خلال إفتتاح مؤتمر مغاربة العالم، الذي ينظمه حزب التجمع الوطني للأحرار بالعاصمة الإسبانية مدريد، حيث أكدت المواطنة المغربية أنه “خاص الأمن فالبلاد، أنا بغيت ندخل للمغرب وندور بالسكوتر، علاش هنا (إسبانيا) كندور المدينة كاملة بالسكوتر، حتى حد “مكيصيدني” (يتحرش بي) مالي خايبة، وعلاش المغرب ؟ وعلاش أنا ندير الصفارة؟ أنا راني مرأة”.

وأعتبرت المتحدثة أمام عدد من أعضاء المكتب السياسي لحزب “الحمامة”، “وليداتنا بغاو يمشيو للمغرب مكاينش الأمن، كيتخلعو، كيخافو، حيث مكاينش الأمن فالبلاد”، معترفة في السياق ذاته “أنا والصديقات ديالي كلهم نفس المشكل، ولينا كنهربو نمشي ندوزو العطلة ديالنا في تركيا وبلدان أخرى، كنخافو فبلادنا السي أخنوش، ولينا نخافو مانقدرش نخرج، مستائلة “علاش هاشي؟

وأكدت المواطنة المغربية، “في إسبانيا موجدين ليا كولشي، الصحة كاينة درت عملية قيصرية فابور، الصحة في إسبانيا كاينة”، مرددة تحت غزارة تصفيقات مئات المغاربة الحاضرين “عاشت إسبانيا، عاشت إسبانيا”، مردفة “أنا بغيت غير ندخل للبلاد ماقدرتش، علاش؟ ماقدرتش نصيفت بناتي بوحدهم، أنا والجيل ديالي كنا كنخافو من مخازني، وعلاش دابا مكنخافوش من البوليس؟ وعلاش كنضاربو مع البوليس؟”، وفق المتحدثة.