كشف طبيب احتصاصي في التخدير والإنعاش عما سماه فضيحة في “الاستهتار” بالأشخاص حاملي أعراض كورونا في مستشفى ساية الرمل بتطوان.
وكتب الطبيب تدوينة على صفحته في الفاسبوك قال فيها بالحرف:
كاين استهتار في التعامل مع الحالات المشكوك فيها بالإصابة بالكوڤيد19 في المستشفى الإقليمي سانية الرمل بتطوان…. استهتار بطبيب إنعاش يحمل أعراض فما بالك بمواطن عادي… خصوصا إذا كان هذا الطبيب مريض بالسكر والضغط الدموي اللي هوما عوامل الخطر للإصابة بالحالات الخطيرة والوفاة وكان عندو اتصال بالمخالطين ديال الحالات الخطيرة فإنعاش كوڤيد19 …. ومن اللي المسؤول على خلية الأوبئة والمندوب ديال وزارة الصحة بالنيابة اللي هو الدكتور بولعيش كيقول خاص تدار التحليلة…. كينقز واحد آخر كيگول لا… وعندي التسجيلات…
ايلا كتسناو الناس حتى تولي فحالة كارثية باش تديرو ليها هاديك التحليلة غير كولوها هاديك الساعة…. حيث هادددددديك الساعة غادي يكون اللي عطاه الله عطااااااه….. عندما توكل الأمور إلى غير أهلها فانتظر الساعة… قمة العبث….مات الشاب اليونسي رحمه الله وترك وراءه زوجة وأطفال أرامل بعد كر وفر لمستشفى سانية الرمل طلبا للتشخيص وهذا ما جاء على لسان أخته وسط استهتار المسؤلين واش المسؤول تما كيگول ليه آجي عنگني باش تعرف ماعندكش الكورنونا ڤيروس… واش هادي RT-PCR… قمة العبث….
أنا طبيب إختصاصي فالإنعاش ايلا وصلت لعندكم وأنا فاقد الوعي ماتحاديوش في خلليوني نموت أهون لي… لا يشرفني أن أموت في مستشفى الذل وتخرج وزارة الصحة ببلاغ العار ديالها باش تگول بأن هذا الطبيب لم يحمل العدوى في المستشفى بل حملها بمخالطة الناس خارجه… واللهم الأفضل لي أن أموت في منزلي بكرامة. هذا توجيهي المسبق القانوني.
