أخنوش يقصف “البام”: الحزب ماشي شخصيات معروفة وفقط.. وحنا ماشي في ميركاتو را اللي عنده عنده (فيديو)

وجّه عزيز أخنوش، رئيس حزب التجمع الوطني للأحرار، انتقادات حادة وسخرية سياسية غير مباشرة لسوق الاستقطابات الانتخابية، بالتزامن مع الحدث السياسي الذي شهدته الساحة الوطنية اليوم السبت 25 يوليوز الجاري، بالإعلان عن التحاق فوزي لقجع بحزب الأصالة والمعاصرة خلال المجلس الوطني الأخير بسلا؛ حيث شدد أخنوش خلال لقاء حزبي وتواصلي بمدينة الداخلة على أن تقديم “الأحرار” لمرشحيه في وقت مبكر يعكس نضجاً سياسياً وثقافة ديمقراطية قائمة على الوضوح والشفافية مع المواطنين، وليست قائمة على المفاجآت أو الاستقطابات الموسمية.

وانتقد الرئيس الأسبق للتجمع الوطني للأحرار لجوء بعض الخصوم والمنافسين السياسيين، في إشارة لحزب البام، إلى تجميد نشاطهم لسنوات والتحرك فقط عشية الاستحقاقات الانتخابية، قائلاً: “بعض المنافسين بقوا خمس سنين وهما موقفين العمل ديالهم في الميدان وكيتسناو لآخر دقيقة وكيبداو يقلبوا على أسماء اللي يمكن لهم يستقطبوها باش يحضروا اللوائح ديالهم، سمحوا لي الاخوان والاخوات احنا ماشي في ميركاتو، اللي عنده عنده واللي ما عندوش ما عندوش”.

وأكد أخنوش أن قوة الحزب لا تعتمد على الشراء أو البحث عن أسماء في اللحظات الأخيرة، بل تكمن في الرصيد البشري والتنظيمي الداخلي، مصرحاً: “حزبنا هو مشتل للكفاءات، وهاد المشتل وهاد الكفاءات راه هما باش لاعبين الماتش باش نكونوا متفقين، بالناس ديالنا، 10 آلاف ديال المنتخبين وآلاف المنخرطين اللي هما كاينين داخل الحزب، والاستحقاقات الانتخابية ماشي مناسبة كنستعدوا لها في آخر لحظة، ولكن هي مسار طويل ديال العمل الميداني والـتأطير والإنصات للمواطنين”.

وأضاف أخنوش موضحاً مفهوم الحزب القوي وموقفه من الحملات الانتخابية التقليدية: “الحزب السياسي ماشي مجرد لائحة أسماء، الحزب القوي ماشي قيادة أو وزراء أو شخصيات معروفة، الحزب القوي هو عشرات الآلاف من المناضلين والمناضلات الموجودين في الميدان كل يوم، اللي كيشتغلوا يومياً من أجل المستقبل ديال بلادنا ومن أجل المواطنين، وهما اللي كيستمعوا لهم المواطنين وكيسولوهم على الأولويات ديالهم، لأن خدمة المواطن ماشي غير حملات انتخابية ولكن التزام يومي ومسؤول ومستمر”.

وأبرز رئيس حزب “الحمامة” الأسبق، تغيير وعي الناخبين والشارع المغربي في التعاطي مع الاستحقاقات المقبلة، مشيراً إلى أن “المواطنين فاش كيقربوا الانتخابات ما كيصوتوش بزاف على الأشخاص، المواطنين بغاو رؤية، بغاو برنامج، بغاو مصداقية، وبغاو حزب أثبت أنه قادر بتحمل المسؤولية، حزب منظم ومسؤول يحترم المؤسسات والمواطنين ومنافسيه، احنا قابطين الطريق ديالنا كنزيدوا للقدام كنبنيو من أجل المستقبل لأننا ما يمكنش نضيعوا الوقت ديال بلادنا والمواطنين”.

وأكد أخنوش في كلمته على أن قوة الحزب نابعة من صدقه وعمله الميداني وتواصله المباشر، قائلاً: “هذا الحزب كيعرف أن القوة ديالنا جاية من القوة ديال المناضلين ديالنا، حزب كيآمن بثقافت العمل الجماعي والثقة والمصداقية والإنجازات.. الناس ما بغاوش الناس ديال الهضرة، بغاو الناس ديال العمل وديال المعقول، وذاكشي اللي كتقولوا غادي نديروه كنوقفوا عليه وتزيدوا بيه للقدام”.