ابن قيادي في البيجيدي: سمحتم في الوالد بسبب الرشوة ودعمتم حامي الدين المتابع بجريمة قتل (صورة)

بعد أن أدانت المحكمة الابتدائية بمكناس، الخميس 27 دجنبر، الرئيس السابق لجماعة عين تاوجطات، حوسى عزيزي، بتهمة “النصب والاحتيال واستغلال النفوذ”، وحكمت عليه بـ3 سنوات سجنا نافذا، خرج ابن القيادي السابق في حزب العدالة والتنمية ليصب جام غضبه على قيادة الحزب.

وقال طارق عزيز ابن القيادي المذكور في تدوينة له على موقع التواصل الاجتماعي فايسبوك، إن والده “حكمو عليه بثلاث سنوات، الله ياخذ الحق فاللي كان السبب، والله ياخذ الحق من قيادات البيجيدي اللي نهار كانت حاجتهم به كانوا غاديين جايين لمدينة هامشية، كلهم كلاو وشربوا فالدار بدون استثناء، ونهار قضاو الغرض ودارو بلاصتهم فالإقليم على ضهرو ماعقلوش عليه”.

وأضاف طارق عزيز في ذات التدوينة، أنه “نهار قارنت مع حامي الدين، ناض بنادم كينقز قالك ماشي بحال بحال! علاش زعما حامي الدين الملف ديالو سياسي والوالد لقاوه كيهرب الكوكايين؟”، مشددا على أن “إذا كان الوالد متابع بتهمة طلب الرشوة (الدليل الوحيد هما شهود خدامين فنفس الشركة!) فحامي الدين راه متابع فجريمة قتل”.

وأردف ذات المتحدث قائلا: “لكن من ناحية أخرى بصح، ماعندك ما تقارن، ماعمرهم يكونو بحال بحال، واحد هو الفتى المدلل د بنكيران، ولاخر كان مجرد قنطرة داز عليها عبد الصمد الإدريسي والبوقرعي للبرلمان نهار ما قبلت عليهم حتى دائرة… ماشي بحال بحال حيت واحد فالمركز وواحد فالهامش”.

وتابع طارق عزيز في تدوينته “واحد عندو مائة محامي والأمانة العامة متبعة الملف خطوة خطوة، وواحد عينوليه محامي وحيد، ما عمروا حضر شي جلسة وما عمرهم سولوه أو تسوقوا ليه! واحد كيدافع عليه وزير وبسبابو ضرب مباشرة فمؤسسة القضاء وشكك فيها، ولاخر صدرو عليه بلاغ جد محتشم مراعاة لاستقلالية القضاء! الله ينعل اللي ما يحشم”.

وكانت الغرفة الجنحية بمحكمة الاستئناف بفاس، قد ألغت أواخر أكتوبر الماضي، القرار الصادر بتاريخ 28 شتنبر 2018، عن المحكمة الابتدائية بمكناس والقاضي بإحالة قضية الرئيس السابق لجماعة عين تاوجطات حوسى عزيزي على غرفة جرائم الأموال لعدم الاختصاص.

وتجدر الإشارة إلى أن مسؤولا بالشركة المفوض لها تدبير النفايات بمدينة عين تاوجطات، قد تقدم بشكاية ضد رئيس الجماعة حوسى عزيزي، المنتمي لحزب العدالة والتنمية، يتهمه فيها بـ”النصب والاحتيال واستغلال النفوذ”.